ខេត្តសៀមរាប ៖ លោក ឧត្តមសេនិយ៍ទោ ប៉ុល រតនា កាលពីល្ងាចម្សិលមិញបានអោយដឹងថា មេខ្លោងចោរប្លន់ដ៍សកម្មនៅក្រុងសៀមរាបម្នាក់ទៀតដែលបានរត់គេចខ្លួននោះ ឥលូវត្រូវសមត្ថកិច្ចតាមរហូតពីស្រុកអន្លង់វែងទើបចាប់បាន នៅព្រលានយន្តហោះអន្តរជាតិភ្នំពេញ ហើយត្រូវនាំខ្លួនមកសាកសួរនៅ ស្នងការដ្ឋាននគរបាលខេត្តសៀមរាប ។
សមត្ថកិច្ចបានប្រមូល និងដកហូតម៉ូតូពីក្រុមចោរប្លន់ និងក្រុមទទួលផលចោរកម្មចំនួន១០៧គ្រឿង បច្ចុប្បន្ននេះមួយចំនួនរក្សាទុកនៅអធិការប៉ូលិសក្រុងសៀមរាបនិងមួយចំនួនទៀតរក្សាទុកនៅស្នងការប៉ូលិសខេត្តសៀមរាប។ ក្នុងនោះផងដែរ អភិបាលខេត្តសៀមរាបក៏បានថ្លែងអំណរគុណចំពោះសកម្មភាពដ៏សកម្មរបស់សមត្ថកិច្ចប៉ូលិសដឹកនាំដោយលោកឧត្តមសេនីយ៏ទោប៉ុល​ រតនា​ ខិតខំប្រឹងប្រែងប្រេីកម្លាំងជំនាញ​ ក្នុងបានតាមច្បាមយក​ក្រុមចោរកម្មទាំងនេះ​ យកមកញាត់ទ្រុង។
សូមបញ្ជាក់ថាបន្ទាប់ពីបើកការស៊ើបអង្កេតរយៈពេល ១៥ថ្ងៃ ក្រោយពីឃាត់ខ្លួនក្រុមមេចោរប្លន់ដ៏សកម្មមួយក្រុម ចំនួន២នាក់ ជាមួយអាវុធខ្លី១ដើម សំភារៈសំរាប់ធ្វើ សកម្មភាពកាច់មួយចំនួន កាលពីថ្ងៃ៧ តុលា ២០១៩ នៅខេត្តសៀមរាបកន្លងមក កំលាំងសម្ថតកិច្ចបានបើកកិច្ចសហការជាមួយស្នងការដ្ឋាននគរបាលខេត្តសៀមរាប និង អធិការដ្ឋាននគបាលស្រុកអន្លង់វែង ក្រោមការដឹកនាំ ដោយលោកឧត្តមសេនីយ៍ទោ ប៉ុល រតនា និង លោកឧត្តសេនីយ៍ទោ នឹម ច័ន្ទតាណា អនុប្រធាននាយកដ្ឋាននគរបាលព្រហ្មទណ្ឌ ក្រសួងមហាផ្ទៃ កាលពីថ្ងៃ ២៣ តុលា ២០១៩ បានឃាត់ខ្លួនជនសង្ស័យម្នាក់នៅមុខព្រលានយន្តហោះអន្តរជាតិពោធិ៍ចិនតុង ដែលបានរត់គេចពីស្រុកអន្លង់វែង ឈ្នោះ ទិន ភាន់ ភេទ ប្រុស អាយុ ៣៧ ឆ្នាំ ធ្លាប់ទទួលទិញម៉ូតូផលចោរកម្ម ច្រើនគ្រឿងកន្លងមកពីខេត្តសៀមរាប៕