នៅថ្ងៃទី៣ ខែវិច្ឆិកា ឆ្នាំ២០១៩​ វេលាម៉ោង​ ១៨​ និង​ ០៥ នាទីនៅចំណុចផ្លូវជាតិលេខ៥ ខាងជេីងស្ពានតាងរ៉ាងចន្លោះបង្គោលគីឡូម៉ែត្រលេខ៤៩-៥០ ភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង មានករណីគ្រោះថ្នាក់ចរាចរណ៍មួយកើតឡើងរវាងម៉ូតូម៉ាក​ Suzuki Smas ពណ៌ខ្មៅ ពាក់ស្លាកលេខ​កំពង់ធំ 1A​ 7727
អ្នកបើកបរឈ្មោះ គឺម សុភា ភេទប្រុស អាយុ២២ឆ្នាំជនជាតិខ្មែររស់នៅភូមិតាមល់លើ ឃុំកោះថ្កូវ ស្រុកជល់គីរី ខេត្តកំពង់ឆ្នាំង​ អ្នករួមដំណើរជាមួយឈ្មោះ វុន ដេត ភេទប្រុស អាយុ១៨ឆ្នាំ​ ជនជាតិខ្មែរ​ នៅភូមិតាមល់ក្រោម ឃុំកោះថ្កូវ ស្រុកជល់គីរី ខេត្តកំពង់ឆ្នាំងបើកបរពីទិសខាងត្បូងឆ្ពោះទៅទិសខាងជេីង​ និងរថយន្តម៉ាក​ Kia ពណ៌ទឹកប្រាក់ ពាក់ស្លាកលេខភ្នំពេញ 3B 8197 អ្នកបើកបរមិនស្គាល់ឈ្មោះ​ និងអាសយដ្ឋានបើកបរពីទិសខាងជើងឆ្ពោះទៅទិសខាងត្បូងក្នុងដំណើរច្រាស់ទិសគ្នា ។ ក្នុងហេតុការណ៍គ្រោះថ្នាក់ចរាចរណ៍នេះ​ បានបង្កការគ្រោះថ្នាក់និងខូចខាត​ ៖
-​ ស្លាប់មនុស្សម្នាក់​ ប្រុស (អ្នកបើកបរម៉ូតូ)
-​ របួសមនុស្សម្នាក់​ ប្រុស (ធ្ងន់)
-​ ខូចម៉ូតូ​ ១គ្រឿង ធ្ងន់
-​ ខូចរថយន្ត ១គ្រឿង ស្រាល
វត្ថុតាងត្រូវបាននគរបាលជំនាញយកមករក្សាទុកនៅអធិការដ្ឋាននគរបាលស្រុកកំពង់ត្រឡាច ៕